Я абапёрся лакцямі на падаконьнік, Зашчаміў галаву ў далоні I гляджу задуменна ў вакно На сьвет розуму і пачуцьцяў. Бачу я тое, што ёсьць I чаго няма ў рэчаіснасьці. Вецер з поўдня цёпла дзьме, Дыхае пяшчотна мне ў твар I, здаецца, шэпча: — Ты лятуценьнік... Ты мроіш Пра залатыя горы дабра і ласкі, Пра пакінутую Бацькаўшчыну, Пра вясну, што восеньскай парой Паўстае палымяным каханьнем. А цi зразумеюць цябе Чужыя, халодныя?
|
|